تحدث الفنان أحمد كمال، عن كواليس تطوعه في إحدى الجمعيات، ومساعدته ومساندته للأشخاص الذين يمرون بأزمات نفسية حادة ومقبلين على إنهاء حيائهم . | بوابة الجمهورية
وكشف أحمد كمال خلال لقائه تليفزيونى قائلا: دي أول مرة أتكلم في الموضع، لأنه وقتها كان ممنوع نتكلم فيها، أعتقد كان سنة 92، 93، حاجة اسمها جمعية الصديق المقرب Befriending، دي جمعية موجودة في كل أنحاء العالم وهدفها الأساسي منع الانتحار، أو يعني مقاومة الانتحار وتقليل عدد المنتحرين في العالم كله، والجمعية كان ليها أرقام تليفونات الناس تتكلم عليه، وساعتها ما كانش فيه موبايلات، كان رقم التليفون المنزلي يعني، فالناس بتتكلم وإحنا مدربين بنتلقى.
اقرأ أيضا: الحزب الشيوعي: استهداف كردستان اعتداء على العراق وسيادته
واضاف أحمد كمال: قعدنا نتدرب كده فترة إننا إزاي نتلقى مكالمات من ناس مقبلة على الانتحار، أو داخلة في موضوع الإدمان وسوف تقبل على الانتحار، وإزاي نسمعهم بس من غير ما نحكم، من غير ما نقول أي آراء؛ لأننا مش دكاترة، إحنا مش أخصائيين نفسيين، إحنا مجرد بس ناس بتسمع بس بتسمع صح ومدربة إنها تسمع، ولو سألت أسئلة، بتسأل أسئلة في التوقيت المناسب عشان لو اللي بكلمه سكت يعني، فإزاي أحمسه إنه يتكلم ويفضل يتكلم يتكلم، المكالمات دي كتير جدا ومنعت ناس من الانتحار؛ لأن الشخص المنتحر لو اتكلم مع حد 10 دقايق بس ممكن جدا يلغي قرار الانتحار ده، مجرد بس إنه لقى حد يكلمه، لقى حد يفضفض معاه، اولناس في لحظة لما الدنيا بتقفل في وشها ومش لاقية حد تتكلم معاه ومش لاقية أي شخص يعني بس يبصلها أو يعبرها أو يسمعها بتتقفل الدنيا كلها، وبيروح بقى في أفكار شريرة والتخلص من الحياة والحاجات دي كلها.
وأستكمل أحمد كمال: أنا إنسان بيسمعه، فبيقعد يتكلم ولو شفنا إنه محتاج يتكلم ساعة بنسيبه يتكلم ساعة، في الآخر بيقول شكرا جزيلا، أنا حاسس إني أحسن، أنا مبسوط قوي إني اتكلمت مع حد، مبسوط قوي إني لقيت حد أتكلم معاه، متشكر جدا، وإحنا كلنا طبعا بنشتغل من غير فلوس، ده عمل تطوعي تماما، مرتين في الأسبوع، مش أكتر، ما ينفعش أكتر لأن إحنا بنتعب، يعني ممكن أقعد 6 ساعات بسمع، وده تعب نفسي وإجهاد نفسي؛ لأن الناس بتحكي عن حاجات مؤلمة في حياتها وبتحكي حاجات شديدة يعني، فبعد ما بيخلص الوقت بتاع الشفت (shift) بتاعي يعني، المشرف العام لازم يشوف أنا يعني محتاج مساعدة، ولو شايف إني في وسط الشفت بتاعتي مش مضبوط فبيخليني أمشي يعني ما أكملش عشان أقدر أسمع صح.
