كود -وكالات//
حذرو أطباء العيون من خطورة الشوف مباشرة فكسوف الشمس بلا نظاظر خاصين، كيف ما أكدو أن الشوف وخا غير شي ثواني يقدرو يسببو أضرار خطيرة فشبكية العين، وبعض الحالات كتكون دائمة وما كاينش علاج يرجع الشوف كيف ما كان.
$bos(“Brid_15182230”, {“id”:”27333″,”width”:”100%”,”height”:”300″});
وكيشرحو الخبراء أن المشكل كيوقع بسبب ما يسمى بـ”التسمم الضوئي”، حيث الأشعة الزرقا والبنفسجية وفوق البنفسجية كتخترق العين وكتدير تفاعلات كيميائية كتخرب الخلايا الحساسة للضو وسط الشبكية، والنتيجة كتكون تشوش فالرؤية، تبدل فالألوان، وظهور بقع كحلة وسط الشوف.
اقرأ أيضا: رئيس الدولة ونائباه: سنواصل نهج زايد.. وإرثه سيبقى خالداً في ذاكرة الوطن
ومن بين الحالات اللي تسجلات، شابة فـنيويورك تفرجات فكسوف 2017 عدة مرات لمدة تقريبا 6 ثواني بلا نظاظر، ومن بعد لبسات نظارات الحماية. بعد ساعات بدات كتشوف الأشياء مغبشة ومعوجة، وتبدلات عندها الألوان، وولات كتشوف بقعة كحلة وسط العين اليسرى. الفحوصات بينات أن الضرر اللي تعرضات ليه خلا آثار حتى بعد ستة سيمانات.
وكيقول الأطباء إن الشباب أكثر عرضة لهاد الإصابات، حيث المومو د العين عندهم واسع،
وفي بعض الحالات كيقدر الشوف يتحسن تدريجياً ولكن إلا كان الضرر كبير فكتبقى بقعة كحلة ديمة فمجال الرؤية، وما كاين حتى علاج كيرجع الخلايا اللي تضررات.
