كود – سبتة//
توفى صباح اليوم الجمعة شاب من إفريقيا جنوب الصحراء، بعدما حاول يدخل لمدينة سبتة من المغرب باستعمال باراموطور (طائرة شراعية بالموطور)، قبل ما يطيح فالبحر ديال منطقة بينزو.
$bos(“Brid_15182230”, {“id”:”27333″,”width”:”100%”,”height”:”300″});
ووفق جريدة إل فارو دي سبتة، وقع الحادث مع 8 د صباح، وتم استنفار وحدات الحرس المدني، وكتعتبر هادي أول حالة وفاة مؤكدة فإسبانيا لشي حد كيحاول يدخل البلاد باستعمال هاد الوسيلة ديال الطيران الشراعي.
وفشهر يوليوز اللي فات، تسجلات جوج وفيات فالأراضي المغربية مرتبطة بنفس الطريقة ،وحسب الجمعية المغربية لحقوق الإنسان فرع الناظور، إلى جانب مجموعة “مقاومة الحدود”، فالضحيتين كانو حتى هما كيحاولو يعبرو لسبتة باستعمال باراموطور.
وبدات محاولات العبور باستعمال الطيران الشراعي كتظهر منذ سنة 2025، وكان أول مرة تعرفات من فيديوهات نشرها مهاجرون على تطبيق “تيك توك”، كيبينو فيها لحظة الإقلاع لسبتة.
