الضباب داير بماتش البارصا فطنجة من روينة سبتة ومازال كايشاورو ريوسهم والصبليون باش يلعبو

گود سبور//

داير الضباب على الماتش الودي اللي كانو قالو البارصا كايوجدو باش يجيو يلعبوه فطنجة ضد اتحاد طنجة، وهذا الضباب والغموض ولى من نهار ناضت الروينة فسبتة.

$bos(“Brid_15182230”, {“id”:”27333″,”width”:”100%”,”height”:”300″});

جريدة “موندو ديبورتيفو” الإسبانية القريبة من البارصا، كشفت أن الماتش الودي ديال الفرقة فطنجة مازال ما تاكدش واش غادي يتلعب نهار 15 غشت ولا لا، واخا البارصا كانو اكدو تعاقديا انهم غايلعبو، ولكن ومن ملي وقعت احداث سبتة كلشي تبدل.

“موندو ديبورتيفو” قال ان البارصا مازال كايفكرو واش يلعبو هذا الماتش، وانهم كايتشاورو مع السلطات ديال بلادهم بسبب الوضع السياسي الحالي وكايدرسو الإيجابيات والسلبيات.

وغادي ياخدو البارصا 4,5 مليون اورو، مقابل انهم يلعبو هذا الماتش فمدينة ضد اتحاد طنجة، وهو ماتش ودي منظماه شركة خاصة.