گود سبور//
مازال خدام الإعلام الإسباني فنشر المعلومات المغلوطة اللي كاتناسب غير وجهة نظر الجانب الإسباني فيما يخص تنظيم نهائي مونديال 2030، واخا الاتحاد الدولي لكرة القدم، أكد أنه مازال ما كاين والو بخصوص فين غادي يتلعب هذا النهائي، ونفى حتى داكشي اللي راج حول وعد إنفانتينو رئيس الفيفا منح الفينال للمغرب مقابل دعم الأخير هو والكاف له باش يبقى رئيس د الفيفا لولاية رئاسية جديدة.
$bos(“Brid_15182230”, {“id”:”27333″,”width”:”100%”,”height”:”300″});
وهاذ المرة خرجت إذاعة RNE Deportes الإسبانية باش تنشر رواية جديدة، الهدف ديالها الترويج لتيران سنتياگو بيرنابيو، وقالت إن نهائي كأس العالم 2030 غادي يتلعب فهاد التيران المذكور فمدريد، وفالمقابل غادي يمنح الاتحاد الدولي لكرة القدم للمغرب تنظيم مونديال الأندية 2029.
حتى لدابا مازال ما كاينة حتى شي حاجة، والاتحاد الدولي اللي كايروجو الإسبان أنه غايدير هاذ الشي، راه كانو مجموعين غير البارح الاربعاء فالرباط باش يلقاو حل لازمة الرئيس ديالو جياني انفانتينو والصداع اللي نايض عليه بسبب مشروع تحويل كاس العالم لشركة، ومن وراها مشى انفانتينو والمسؤولين د الفيفا تفرجو فماتش د كاس إفريقيا العيالات نيت فالرباط، فالوقت اللي الإعلام الإسباني بارك كايروج لشي حوايج ما الاتحاد الدولي ما درسهمش.
