گود سبور//
أكدت البرتغال إلتزامها بالمشاركة مع المغرب وإسبانيا فالتنظيم الثلاثي المشترك لكاس العالم 2030، ردا على واحد الحزب يساري مغمور فالبرتغال سميتو “Livre” وشي سياسي صايط لهم الريح فودينيهم، ناضو دايرين السبا بمشكل سبتة وطالبو حكومة البرتغال باش تحيد المغرب من هذا الملف، فغباء منهم وعدم معرفتهم بقوانين واتفاقيات الاتحاد الدولي لكرة القدم “الفيفا”، مع العلم ان المغرب ماشي المسؤول الوحيد على حادث سبتة، واسبانيا والاتحاد الاوروبي كايتحملو جزء كبير من المسؤولية فملف الهجرة.
$bos(“Brid_15182230”, {“id”:”27333″,”width”:”100%”,”height”:”300″});
حكومة البرتغال اكدت التزامها التام تجاه المغرب وإسبانيا لتنظيم بطولة كأس العالم 2030، باش يكون احسن مونديال فالتاريخ وملتقى بين المدن والثقافات، وهذا الشي من خلال وزيرة الثقافة والشباب والرياضة، مارگاريدا بالسيرو لوبيز، خلال حضورها المرحلة الأولى من سباق “فولتا دي البرتغال” للدراجات، وقالت فتصريح لها على كاس العالم 2030: “بغيناه يكون حدث مميز من الناحية الرياضية والتنافسية، ويكون حتى لحظة فارقة للتلاقي بين المدن والثقافات”.
وكملت الوزيرة فحكومة البرتغال، وقالت: “التزامنا هو اللي غادي يخلي هذه النسخة من كأس العالم الأحسن فالتاريخ”.
