حرصت الفنانة جيلان علاء على الإحتفال بعيد ميلاد زوجها عز شهوان، الذي يحل اليوم، الإثنين، الموافق 8 يونيو.
جيلان علاء تحتفل بعيد ميلاد زوجها عز شهوان
شاركت جيلان علاء جمهورها صورة تجمعهما، من خلال حسابها الرسمي عبر موقع تبادل الصور والفيديوهات القصيرة إنستجرام، وعلقت: كل سنة و إنت موهوب و مفيش منك إتنين.. يا عز يا شهوان يا عسل يا نور العيني، اللى محدش يعرف يناقشك، و إحنا جمبك بين البينين.
أضافت: يا bassist يا كايدهم جايب الشطارة دى منين.. و كفاية عليك كدة ألا تتغر بعدين.
في وقت سابق، كشفت جيلان علاء عن تفاصيل لقائها بزوجها، فقالت جيلان في لقاء سابق: يوم تصوير حلقتنا الساعة 1 بالليل، وصلني للبيت بعربيته وطلب مني الزواج.
وقال: يوم ما روحنا سوا، كنا مبسوطين احنا الاتنين وزي أي راجل ساذج قلتلها في العربية إني بحبها وهي رفضت.
وأكملت جيلان علاء: رفضي مش لشخصه رفضي للفكرة خايفة من الجواز وأنا تجاربي مكانتش ألطف حاجة، وهو عارف كل حاجة من واحنا صحاب، يا جماعة مفيش راجل بيجي لواحدة ويقولها أنا بحبك وعايز أتجوزك، هو دايما يا إما هي بتحبه أوي وهو خايف، أو هو بيحبها أوي وهي مش عارفة.
وتابعت: أنا عمري ما حد طلبني للجواز أصلا ولما طلبني خوفت هو أكيد بيهزر أكيد كداب يعني، أنا عندي 34 سنة فعدى عليا حاجات كتير حبيت كتير واتحبيت كتير وفي الآخر كانت بتبقى نهاية مأساوية وأنا كنت بتعالج.
تعليقات