كشف الفنان ساموزين عن تفاصيل تعرضه لحملة ممنهجة من خلال تركيب عدة صورة له بالـ AI من حفلاته الأخيرة بمدينة العالمين، موضحا أنه أحيا حفلتين هناك وليس حفلا واحدا.
وقال الفنان ساموزين في مداخلة هاتفية لتليفزيون اليوم السابع: “أنا كان عندى حفلتين مش حفلة واحدة، الأولى اللى هي تبع “يلا ساحل”.. وطبعا الحفلة دى أول حفلة في المكان ده بعد الحدث الكبير والإعلان عن مشروع “يلا ساحل” والمبادرة دى، والحفلة التانية كانت فى العلمين.
وأضاف ساموزين لتليفزيون اليوم السابع قائلا: “أنا متعود على الحاجات دى، بس المرة دى كانت زيادة شوية.. كانت زيادة حبتين حلوين، ومستغرب من تحويل الموضوع لشكل ومحاور جديدة وطريقة كلام جديدة.. أنا مش عارف إيه السبب وإيه المطلوب من اللى بيحصل ده.. فحبيت أرد على الكلام ده بصورة مختلفة وعملت صورة بدون جمهور خالص.. ياجماعة ماكانش فيه حد موجود أساسا.. أنا مع الرملة.. رملة العلمين دى أحسن رملة في العالم”.
وتابع ساموزين حديثه لتليفزيون اليوم السابع قائلا: “كل الاحترام للجمهور والناس المحترمين اللى حضروا واللى جايين بدعوات خاصة، لإن دى كانت حفلة خاصة VIP مش عارف اللى عملو كدة عايزين يوصلوا لفين.. وأصحاب المكان موجودين وإعلان الحفل كان منتشر جدا.. دى حفلة خاصة مش حفلة عامة مفيهاش تذاكر.. المكان بتاعهم. الأوبيننج بتاعهم والمكان كان واسع جدا وفيه ناس كتير”.
