كود -وكالات//
قبل ما توصل البشرية لـ10 مليارات نسمة، كيبقى السؤال الكبير هو: منين غادي تجينا الطاقة؟ هاد السؤال خلا المهندس والمصمم الياباني ساتوشي ناكاغاوا يطور تقنية كتستخرج الضو من التربة والمواد الرطبة، الفكرة ديالو معتمدة الضو من التراب ولانگري لإنتاج تيار كهربائي ضعيف ولكن دايم.
$bos(“Brid_15182230”, {“id”:”27333″,”width”:”100%”,”height”:”300″});
ناكاغاوا، اللي عندو شركة “Tripod Design”، نجح فبناء نظام كيستعمل أكثر من ألفي أسطوانة عامرة بالتربة والسماد لإنتاج 100 واط من الضو، وهي طاقة كافية باش تخدم أجهزة بحال ديال طياب أو حساسات مراقبة الأراضي والفيضانات وكيقول إن هاد التقنية تقدر تكون مفيدة فالمناطق لي جات فالخلا أو بعد الكوارث الطبيعية، لأنها ما كتحتاجش الشمس ولا للريح.
عدد من الخبراء كيشوفو أن كمية الضو اللي كتنتجها ضعيفة مقارنة بالبطاريات التقليدية، وبالتالي من الصعب تعتمد عليها لتلبية حاجيات كبيرة، لكن ناكاغاوا مقتانع بأن الهدف ماشي تعويض جميع مصادر الطاقة، وإنما تقديم حل مكمل لتشغيل الأجهزة الصغيرة وتوسيع خيارات إنتاج الضو، وبالنسبة ليه، الجمع بين تقنيات مختلفة لإنتاج الطاقة هو حاجة مزيانة باش يتسد الخصاص.
