واش إصلاح الحمض النووي يقدر يعطل الشْرف؟ علماء كيقربو من الجواب

كود -وكالات//

كشف تقرير علمي نشراتو مجلة Nature أن العلماء بداو كيشوفو إمكانية جديدة لمحاربة الشرف وللا الشيخوخة، وهي تقوية قدرة الجسم على إصلاح الحمض النووي حيث DNA كيتعرض كل نهار لآلاف الأضرار بسبب أشعة الشمس، التلوث، والعمليات الطبيعية وسط الجسم، ولكن الخلايا كتتوفر على أنظمة مطورة كتصلح هاد التلف بشكل دايم.

$bos(“Brid_15182230”, {“id”:”27333″,”width”:”100%”,”height”:”300″});

الباحثون كيقولو بلي المشكل كيبدأ ملي كتضعف هاد الآليات مع التقدم فالعمر، وكيولي الضرر كيتعرم وسط الخلايا، الشي لي كيخلي الالتهابات وشيخوخة الخلايا وارتفاع خطر الإصابة بأمراض بحال الزهايمر، وأمراض القلب، والسرطان.

ولفهم السر ديال العمر الطويل، العلماء دارو دراسات على حيوانات كتعيش بزاف، بحال حوت القطب الشمالي اللي يقدر يعيش أكثر من 200 عام، وفأر الخلد العاري اللي قليل كيقيسو بالسرطان. النتائج بينات أن هاد الحيوانات عندها قدرة كبيرة على إصلاح تلف الـDNA، الشي لي كيحافظ على خلاياها سالمة لمدة طويلة.

كما ركزت الأبحاث على بروتين اسميتو SIRT6، واللي كيلعب دور مهم فإصلاح الحمض النووي، بعض الناس اللي فاتو 100 عام عندهم نسخة أكثر فعالية من هاد الجين. وزاد العلماء اكتاشفو أن مركبات طبيعية موجودة فالأعشاب البحرية البنية، كتسمى Fucoidans، كتقدر تنشط هاد البروتين، تجارب على الفئران بينات أنها حسنت إصلاح الـDNA وخفضت شيخوخة الخلايا، ودابا كاينة دراسة سريرية باش يتأكد واش نفس التأثير غادي ينجح عند البشر.