گود سبور//
ما ناوياش إسبانيا تنسحب من التنظيم المشترك لكأس العالم 2030 مع المغرب والبرتغال، وهذا الشي حسب ما كشف راديو “كادينا الإسباني”.
$bos(“Brid_15182230”, {“id”:”27333″,”width”:”100%”,”height”:”300″});
وكرد على واحد الحزب برتغالي مغمور سميتو “LIVRE” ناض كإيطالب حكومة البرتغال والاتحاد البرتغالي لكرة القدم، بأنهم يخرجو المغرب من تنظيم مونديال 2030 (طبعا هاد الشي ما يقدروش يديروه وما عندهمش السلطة باش يديروه لا هما ولا غيرهم)، وهذا الحزب بغا يجر معه حتى الصبليون وطالب البرتغال تنسق مع إسبانيا فهاد الموضوع، (كرد) قال راديو “كادينا” الإسباني إن احتمال انسحاب إسبانيا من استضافة كأس العالم غير وارد.
الراديو الإسباني رد حتى على البوليميك ديال فين غادي يتلعب فينال مونديال 2030 واش فكازا ولا مدريد، وقال إن اسبانيا ما غاديش تنسحب من تنظيم المونديال مع المغرب فينما تنظم الفينال سوا فكازا ولا فمدريد، ووضحت أن النقاش فهاد الموضوع مفهوم، لكن الواقع مختلف، وأن التحضير لكأس العالم 2030 بدا سنوات هادي، والجامعة الملكية الإسبانية لكرة القدم سنات اتفاقيات واستثمرت مبالغ كبيرة وما يمكنش تنسحب، وإن العقوبات غادي تكون كبيرة لدرجة لا تتصور.
