گود سبور//
أكد الاتحاد الأوروبي لكرة القدم، أنه غادي يبقى مقاطع المسابقات ديال الاتحاد الدولي لكرة القدم بما فيها كأس العالم، واخا الفيفا تراجعت على مشروع تحويل المونديال لشركة وبيع أسهمها لمستثمرين، ومازال كايطالبو الأوروبين برحيل السويسري جياني إنفانتينو من رئاسة الاتحاد الدولي.
$bos(“Brid_15182230”, {“id”:”27333″,”width”:”100%”,”height”:”300″});
ووضح الاتحاد الأوروبي لكرة القدم فبلاغ نشراتو وكالة الأنباء الفرنسية، أن الاتحادات الأعضاء فيه كانت واضحة بخصوص الشروط اللي خلاتها تقاطع مسابقات الفيفا.
وأكد الاتحاد الأوروبي لكرة القدم، أنه إضافة إلى سحب مقترح الفيفا ديال تحويل المونديال لشركة، وهو مطلب تمت تلبيتو بالفعل، راه كايطالب بضمانات باش ما يتعاودش بحال هذا الشي اللي حسب الأوروبين كايشوه الكورة.
وزاد أكد الاتحاد الأوروبي أن فاقد الثقة ديالو فرئاسة جياني إنفانتينو للاتحاد الدولي لكرة القدم.
