بعد اعترافات منى فاروق وشيما الحاج.. خالد يوسف يدافع عن الفن ويهاجم الإعلام

خالد يوسف

خالد يوسف

في أول رد فعل له عقب إلقاء القبض على الفنانتين منى فاروق وشيما الحاج، بتهمة نشر مقاطع فيديو إباحية، أصدر المخرج وعضو مجلس النواب خالد يوسف بيانًا توضيحيًا عبر حسابه الرسمي على مواقع التواصل الاجتماعي"فيسبوك".

وقال "يوسف": ماذا يفعل الإعلام في أقوال البنات المثبتة في التحقيقات الرسمية للنيابة؟، والتي جاءت خالية من كافة الأساطير التي تم تداولها ونشرها على مدار الأيام الماضية.

وأضاف: "‎يا ترى هتعمل إيه وسائل الإعلام في أقوال البنات المثبتة في التحقيقات الرسمية للنيابة اللي مفيهاش حرف من الأساطير اللي قعدوا ينشروها ويأكدوها ويعيدوا التأكيد عليها ويزنوا ليكون حد موصلوش الخبر بإن أنا اللي كنت بصور البنات تحت التهديد وبأبتزهم كمان بالفيديوهات دي، وأضافوا كمان إن البنات قالوا إنهم كانوا سنهم صغير يعني أقل من ١٨ سنة، عملولي شوية تهم كدة أخدلي فيها تأبيدة على الأقل".

وتابع: ولما اطلعت على التحقيقات حزنت وقولت ياريت كان البنات قالوا كدة وكان الإعلام صادق في نقل اللي قالوه، لكن اكتشف إن كل اللي نقلوا الكلام في الإعلام ده مجرد مخبرين مش صحفيين ببلاط صاحبة الجلالة وإنهم فقط بيكتبوا ما أملوه عليهم والمحزن والمؤسف "وده سبب هذا البوست لأني مأجل كلامي كله شوية وهأقول في الأخر ليه" المحزن إنهم يحطوا على لسان البنات إنهم قالوا "أيوه عملنا كدة لأن محدش بيمثل من غير مايعمل كدة مع المخرج أو المنتج وكل اللي مثلوا قبلنا عملوا كده".

واستطرد قائلا: يا من تعتبرون أنفسكم صحفيون ألم يكن في إمكانكم أن تراجعوا سادتكم في هذه الجملة البسيطة فقط ولا بيعتبروا أنفسهم آلهة ماينفعش تناقشهم، ألا تدركون أنكم تبصقون على الفن المصري كله وتحولوه لوسط داعر ومنحل .. عايزين تصفوني أنا وتقضوا عليا طاعة لأسيادكم، ماشي، أنا قلت إني هاحتمل ومعي زوجتي وأولادي وعيلتي صابرين على الأذى لأنه قدرنا، لكن توصموا الفنانات كلهم والوسط كله، والله إنكم تجهلون ما تقترفوه ولا تدركون قيمة الفن المصري ولا حتى قيمة مصر نفسها.

واستكمل: مادام البنات مجابوش سيرة الفن والعمل بالتمثيل وقصروا أقوالهم على إنهم كانوا متجوزيني عرفي وإن المجرم هو إللي نشر الفيديو وبما إنكم مالكوش هدف غير تصفيتي أنا يبقى كان لازم تركزوا على أفعالي طبقا لملامهم وتتهموني كمان بإني مجنون ومريض ومجرم كمان، وأنا اللي نشرت، ليه بقى تقحموا الاشتغال بالفن في الموضوع، هل أسيادكم قالولكوا شوهوا ضمن ماتشوهوه سمعة الفن المصري نفسه.. ما أحقر أن تضرب مهنة الإعلام عرض الحائط بكل قيمها وثوابتها، وتساهم بهذا الشكل المنحط في تحقير الفن المصري وكل من يعمل فيه،

‎أنا مأجل كلامي في موضوعي وتفاصيله لغاية ما أشوف بس هما ناويين يكيفوها إزاي ويوصلوها لفين وإيه أخرتها، لأنهم بيقولوا إن مش دي القضية الوحيدة ولا دول البنات الوحيدين، وإن عندهم فيديوهات لـ200 فنانة "من ضمن برضه التشويه الموجه للفن".

وتابع: "عايز بس أعرف التهم اللي هاتوجهوها ليا هتوصلني للمؤبد زي ما قالوا في الأول ولا بس عايزني اعترف بعدة زواجات عرفية كدة على شوية علاقات كدة من اللي قلبك ميحبهمش، ولو عملت كده يبقي كفاية عليك كدة يا عم خالد شوهناك ودمرنا نفسية أهلك وعيلتك والمحيطين بيك وعملنالك فضيحة بجلاجل وسلمناك تسليم أهالي للمجتمع وقيمه ومحدش هيقتنع بكلامك تاني وعارض بقى "تعديل الدستور" ولا متعارضش براحتك، المشكلة إن اللي غايظهم قوي وبرغم كله اللي عملوه إن الناس لغاية دلوقتي لسه بتصدق كلامي حتي اللي مش مقتنع ببرائتي الأخلاقية، مقتنع بإني عمري ما نافقت سلطة ووقفت قبل كدة قصاد أنظمة ومهمنيش ولا ممكن يهمني من أي بطش ولا تنكيل لأي نظام مهما كان إجرامه.

‎وأكمل "يوسف": عموما ده مش موضوع البوست ده، كل رجائي لوسائل الإعلام الذي تفهم قيمة رسالتها ولا يتلقوا أوامر -على قلتهم وندرتهم – أن يتحروا الدقة ليس فيما يسئ لي - لأن ده فقدت الأمل فيه لأن اللي مكسوفين منهم مما يحدث بيعتذرولي في رسايل وبيقولولي الموجة عالية قوي اعذرنا – أرجوهم أن يتحروا الدقة فيما قد يسئ لأي معنى نبيل في حياتنا وعلى رأسها قيمة الفن والفنانين المصريين ولا تشركوهم أبدا في معركتي ولا يلوث أحدا منهم أو يطاله رذاذا من هذه المعركة.

يذكر أن قاضى المعارضات بمحكمة مدينة نصر، قرر تجديد حبس كل من شيما الحاج، ومنى فاروق، 15 يوما على ذمة التحقيقات في اتهامهما بنشر فيديو فاضح مع مخرج شهير.

التعليقات

التعليقات

powered by MyDasht