كود- وكالات//
حذرو أطباء العيون كاع الناس اللي كيلبسو العدسات اللاصقة من العومان بها، سوا فالبحر ولا فلابسين، وأكدو أن هاد العادة تقدر تعرض العين لالتهابات خطيرة، وإذا ما تعالجاتش بسرعة، تقدر العين تعمى.
اقرأ أيضا: مفاوضات لبنان وإسرائيل تتعثر بـ “توسعة المناطق النموذجية”
$bos(“Brid_15182230”, {“id”:”27333″,”width”:”100%”,”height”:”300″});
وقالت طبيبة العيون التركية تشيغديم كوشكون إن البحر ولابسين ماهم ماشي معقم، وكتقدر تكون فيها بكتيريا وطفيليات وكائنات دقيقة كتلصق بالعدسات، ومن بعد كتوصل مباشرة لسطح العين وكتسبب التهاب القرنية، وهي الطبقة الشفافة اللي كتساعد على تركيز الضوء والرؤية بشكل طبيعي.
وأكدت الطبيبة أن عيادات العيون كتسجل كل صيف ارتفاع فحالات تهيج العين، خصوصاً عند الناس اللي كيعومو بالعدسات. ومن بين الأعراض اللي خاص الواحد ينتبه ليها كاين الحكة، والحريق، والاحمرار، والإحساس بحال إلى كاين شي حاجة وسط العين، وزيد عليها الإفرازات أو الألم المستمر، وإذا ظهرت هاد العلامات، خاص الشخص يمشي مباشرة عند طبيب العيون، لحقاش التأخر فالعلاج يقدر يخلي الالتهاب ينتاشر ويولي أخطر.
